ई-पीक पाहणी 2023 | E-Peek Pahani App Online registration Maharashtra

ई-पीक पाहणी 2023 : अशाप्रकारे करा 7/12 (सातबारा) वर पिकांची नोंद

E-Peek Pahani :- ई-पीक पाहणी मोबाईल ॲपच्या साह्याने सर्व खातेदार शेतकऱ्यांनी तलाठ्याकडे न जात स्वतःच्या मोबाईलवरून आपल्या सातबारा वर विविध पिकांची नोंदणी करता येणे शक्य झाले आहे. महसूल विभागाच्या ई-पीक पाहणी प्रकल्प 15 ऑगस्ट 2021 पासून महाराष्ट्र राज्यभर राबविण्यात येत आहे. या ॲप मध्ये आतापर्यंत सुमारे 1.88 कोटीपेक्षा अधिक शेतकऱ्यांनी नोंदणी केलेली आहे व आपल्या पिकांची नोंदणी केली आहे.

E-Peek Pahani App

खरीप हंगाम 2023 पीक पाहणी नोंदणीसाठी  ई - पीक पाहणीचे 2.0.11 हे अपडेट वर्जन गुगल प्ले स्टोअर वर उपलब्ध करून देण्यात आलेले आहे. तरी सर्व खातेदार शेतकऱ्यांनी नवीन वर्जन अपडेट करून घेणे आवश्यक आहे. खरीप हंगामाच्या प्रत्यक्ष  ई-पीक पाहणी मोबाईल ॲप द्वारे पिक पाहणी करण्यासाठी 1 जुलै 2023 पासून सुरू करण्यात येत आहे.

तरी राज्यातील सर्व शेतकरी बंधू भगिनींना आवाहन करण्यात येते की त्यांनी खरीप हंगाम 2023 साठी दिलेल्या कालावधीमध्ये आपली ई-पीक पाहणी नोंदणी पूर्ण करावी जेणेकरून शासनाच्या विविध योजनांचा लाभ घेण्यास अडचण येणार नाही.

ई-पिक पाहणी मोबाईल ॲप व्दारे पीक नोंदणी करण्याची प्रक्रिया :-

1. शेतकऱ्याला सर्वात प्रथम आपल्या मोबाईल मध्ये प्ले स्टोअर ॲप यामध्ये जाऊन ई पीक पाहणी ॲप सर्च करून ते आपल्या मोबाईल मध्ये डाउनलोड करायचे आहे.
2. ॲप डाऊनलोड झाल्यावर त्याला ओपन करायचे आहे आणि तुमचा महसूल विभागाची निवड करायची आहे आणि पुढे जायचे आहे.
3. आता तुम्हाला तुमचा मोबाईल नंबर टाकायचा आहे.
4. आता तुम्हाला तुमचा विभाग, जिल्हा, तालुका, गाव याची निवड करायचे आणि पुढे जा.
5. आता तुम्हाला तुमचे पहिले नाव /मधले नाव / आडनाव/ खाते क्रमांक / गट क्रमांक यापैकी एखादी माहिती भरून शोधा बटनावर क्लिक करा. त्यातून तुम्हाला खातेदाराची निवड करायची आहे.
6. आता तुम्हाला तुमची खाते निवडून पुढे जायचे आहे.
7. आता तुम्हाला पीक पेरणीची माहिती भरायची आहे.
8. त्यानंतर तुम्हाला पिकांची निवड करायची आहे.
9. आता पिकांची निवड केल्यानंतर पिकांसाठी सिंचन साधन आणि प्रकार निवडायचा आहे.
10. आता तुम्हाला तुमच्या पिकांचे फोटो अपलोड करायचे आहे. त्यासाठी आपल्या मोबाईलचे जीपीएस लोकेशन सुरू असणे आवश्यक आहे.
11. आता तुम्हाला तुमच्या पिकांचे अक्षांश रेखांश सहित उभ्या पिकांचे छायाचित्र अपलोड करायचे आहे.

अशाप्रकारे तुमची ई-पीक पाहणी मोबाईल ॲप व्दारे पीक नोंदणी ची प्रक्रिया पूर्ण होईल.

ई-पीक पाहणी (E-Peek Pahani) ॲप चे फायदे :-

• ई-पीक पाहणी प्रकल्पामुळे तलाठी स्तरावरील एक पाहणी नोंदविताना मागील हंगामाची पिक पाणी कायम ठेवण्याची सुविधा देण्यात आली आहे.
• ई - पीक पाहणी मध्ये केलेल्या पीक नोंदणीच्या आधारे शेतकऱ्यांचे उत्पादन शेत जमीन पत्वारी अतिवृष्टी किंवा दुष्काळ यामुळे झालेल्या नुकसानीचा अंदाज मिळवणे शक्य होते.
• ई - पीक पाहणी नोंदणीच्या आधारे शेतकऱ्यांना पीक कर्ज (crop loan) मिळविणे देखील सुलभ होणार आहे.
• पिक विमा आणि पीक विम्याचे दावे, पिक कर्ज वाटप, अचूक नुकसान भरपाई आणि नैसर्गिक आपत्तीमध्ये पिकांचे नुकसान झाल्यास योग्य मदत मिळावी यासाठी  ई पीक पाहणी तपासणी नोंदी आवश्यक असतात.
• ई -पीक पाहणी ॲप मध्ये शेतकरी ज्यावेळी पीक पाहणी करताना राज्यातील प्रत्येक गटाच्या मध्यबिंदूचे अक्षांश व रेखांश समाविष्ट करण्यात आले असून प्रत्येक पिकाचा फोटो शेतकरी घेतात त्यामुळे फोटो घेण्याच्या ठिकाणापासून ते गटाच्या मध्यबिंदूपर्यंतचे अंतर यामध्ये दिसणार आहे. व निवडलेल्या गटापासून शेतकरी पिक पाहणी साठी दूर असल्यास त्यांना त्याबाबतचा संदेश (Masseges) त्यांच्या मोबाईल ॲप मध्ये दर्शविण्यात येतो. या प्रकारच्या नवीन सुविधे मुळे पिकाचा अचूक फोटो घेता येणार आहे.
• ई - पीक पाहणी प्रकल्पामुळे गाव तालुका आणि जिल्हा निहाय प्रत्येक पिकाचे क्षेत्र समजण्यास मदत होईल. त्यामुळे राज्यातील आर्थिक नियोजन तसेच कृषी विकास नियोजन करण्यास मदत होते.
• शेतकऱ्यांचे पिक विमा आणि पीक पाहणी दावे निकाली काढण्याची प्रक्रिया सोपे होते.
• ई -पीक पाहणी ॲप मध्ये शेतकऱ्यांनी केलेली पिकांची नोंदणी स्वयंप प्रमाणित मानण्यात येते. तसेच केवळ 10 टक्के तपासणी तलाठ्या मार्फत करण्यात येते.

शेतकऱ्यांना ई-पीक पाहणी नोंदणी करण्यासाठी मार्गदर्शक सूचना :-

• नोंदणी करण्यासाठी स्मार्टफोन द्वारे गुगल प्ले स्टोअर वरून ई - पीक पाहणी अपडेट ॲप डाऊनलोड करून इन्स्टॉल करावे.
• खातेदाराने ई - पीक पाहणी ॲप वर मोबाईल नंबरची नोंद करावी.
• खातेदाराने सातबारा वरील  नावांमधून खातेदाराने त्यांच्या नावाची अचूक निवड करावी.
• ज्या खातेदाराचे एकाच गावाच्या शिवारात एकापेक्षा जास्त खाते क्रमांक असतील तर त्या गावातील त्यांचे सर्व खाते क्रमांक व त्यामधील भूमापन/गट क्रमांक सर्व मोबाईल स्क्रीनवर नोंदणीसाठी उपलब्ध दिसतील.
• शेतकऱ्यांनी नोंदणीसाठी खाते क्रमांक /भूमापन/गट क्रमांकाच्या माहितीसाठी संगणकीकृत सातबारा किंवा  8अ यांची सत्यप्रत सोबत ठेवावी.
• सामायिक मालकीच्या जमिनीसाठी ज्यांचे नाव गाव सातबारा मध्ये सामायिक खातेदार म्हणून नोंद आहे. ते सर्व सामायिक खातेदार आपल्या वहिवाटीत असलेल्या क्षेत्रातील स्वतंत्रपणे पिकांची नोंद करू शकतात.
• अल्पवयीन खातेदाराच्या बाबतीत त्यांचे पालक नोंदणी करू शकतात.
• खातेदाराने पीक पाहणीची सर्व माहिती शेतामध्ये उबेर राहून भरायची असते आणि त्या पिकांची अक्षांश व रेखांश सह फोटो काढून अपलोड करावी. जर शेतामध्ये मोबाईल इंटरनेट मध्ये काही अडचण येत असल्यास ज्या ठिकाणी इंटरनेट व्यवस्थितपणे चालते तेथे जाऊन माहिती अपलोड करावी.
• नोंदणी कृत मोबाईलवर आलेल्या सांकेतांक हा कायमस्वरूपी वापरता येतो.
• एखाद्या शेतकऱ्याकडे स्वतःचा स्मार्टफोन नसेल तर सहज उपलब्ध होणाऱ्या दुसऱ्याच्या स्मार्टफोनवरून नोंदणी करता येते.
• एका मोबाईल नंबर वरून एकूण 20 खातेदारांची नोंदणी करता येते.